قال محمود عبدالرازق شيكابالا، الذي أعلن اعتزاله رسميا على الهواء مباشرة، إنه مر بظروف غير جيدة داخل جدران نادي الزمالك، خلال الفترة التي سبقت إعلان قراره.
 

قال محمود عبدالرازق شيكابالا في تصريح تليفزيوني عبر شاشة «إم بي سي مصر»: «قولتلك يا إبراهيم من سنة إن دي هتكون دي آخر سنة ليا، قعد معايا ناس كتير بس أنا كنت واخد القرار خلاص».

وأضاف: «سنة الحياة وده طبيعي في الكرة، هيجيلك وقت يكون خلاص، وإن شاء الله الزمالك يقدملنا 100 شيكابالا تاني، وجمهور الزمالك يستاهل ده، وإن شاء الله نشوف شيكابالا جديد»

وواصل محمود عبدالرازق شيكابالا في تصريح تليفزيوني عبر شاشة «إم بي سي مصر»: «هسلم الراية من بعدي لـ جماهير نادي الزمالك، لما كنت في البرنامج معاك يا إبراهيم من سنة، قلت إني هسلم الراية لـ زيزو، ودلوقتي زيزو مش موجود وده اللي زعلني منه أوي».

وتابع : «كنت بقول إن زيزو هيشيل الراية معاكم، لما مشي ومسلمتش عليه ده حب وحاجة كنت راسم ليها من سنين، ومكنتش متصور مشيانه، بس أنا بحبه أوي».